मुंबईचा डोलारा सांभाळणाऱ्या मुंबई मुख्यालयाच्या उपहारगृहातून गेल्या वर्षभरात जेवणाची ताट, चमचे, वाट्या, ग्लास अशी शेकडो भांडी गायब झाली आहेत. पालिकेतील काही कर्मचारी आणि अधिकारी जेवण आणि नाश्ता आपल्या कार्यालयात मागवतात. जेवण झाल्यानंतर भांडी कार्यालयात तशीच ठेवली जातात. ती परत केली जात नाहीत.

दरम्यान अधिकारी घरी गेल्यानंतर ताट आणि चमचे चोरीला जातात. त्यामुळे वर्षभरात हजारो भांडी कमी झाली असून कंत्राटदारांच 40 ते 50 हजारांचं नुकसान झालं आहे. यावर उपाय म्हणून भांडी आणि चमचे घरी घेऊन जाऊ नका असा फलकही पालिका मुख्यालयामध्ये लावण्यात आला आहे.

मुंबई महापालिकेच्या मुख्यालयातील जे मुख्य कॅन्टीन आहे. त्यामध्ये 50 पेक्षा जास्त लोक बसू शकतात. मात्र याच महापालिकेमध्ये 50 पेक्षा अधिक विविध विभागाची कार्यालये आहेत. त्यामध्ये जे कर्मचारी आणि अधिकारी आहेत. ते थेट कॅन्टीनमधील जेवण आणि भांडी घेऊन आपल्या कार्यालयात जातात. मात्र ही भांडी पुन्हा कॅन्टीनमध्ये परत येत नाहीत.

दरम्यान वर्षभरात आतापर्यंत त्याचा हिशोब काढला तर 40 ते 50 हजार रुपयांचं नुकसान झालं आहे. यामध्ये 6 ते 7 हजार चमचे, 150 ते 200 प्लेट, 300 ते 400 नाश्ता प्लेट, 100 ते 150 ग्लास ही भांडी गायब झाली आहेत. त्यामुळे थेट उपाय ग्रहाच्या समोरच्या बाजूसच भांडी घेऊन जाऊ नका! अशी सूचना लिहली आहे

उपहारगृहातून भांडी घेऊन जाऊ नका !

उपहारगृहातून हजारो चमचे, ताटे, ग्लास गायब झाल्याने यापुढे उपहारगृहाबाहेर भांडी घेऊन जाऊ नका असे आवाहन कर्मचारी, अधिकाऱ्यांना करण्यात आले आहे. तशी विनंती करणारा फलक कॅन्टीन मध्ये झळकवण्यात आला आहे.