नवी मुंबई : परिसरातील गावांचा कायापालट करण्यासाठी सिडकोने (cidco) खोपट्याच्या विकासासाठी व्यापक विकास आराखडा (khopta development plan) बनवला आहे. सिडकोने या विकास आराखड्यात नवी मुंबईतील तब्बल ३२ गावांचा (thirty two village included) समावेश केला आहे. खोपटाच्या विकासकामांसाठी विशेष नियोजन करण्यासाठी राज्य सरकारने (Maharashtra Government) सिडकोची नियुक्ती केली आहे. नव्या टाउनशीपमध्ये पनवेल आणि उरण तालुक्याला समाविष्ट करण्यात आलं आहे. यात रायगडच्या पनवेल तहसील मधील ७ गावे तर उरणच्या २५ गावांचा समावेश केला आहे. असं वृत्त टाईम्स ऑफ इंडियानं दिलं आहे. (Thirty two villages included in khopta development plan of cidco)

सिडकोने सहा गावांसाठी विकास आराखडा जाहीर केला होता. यामध्ये बारपाडा, कर्नाळा (तारा), डोलघर, कासरभट आणि दिघाटी या गावांचा समावेश आहे. डीसीआर (Development Control Regulations) २०१२ नुसार राज्य सरकारने विकास आराखड्याला मंजुरी दिली आहे.

"हा भाग अत्याधुनिक पायाभूत आणि सामाजिक सोयीसुविधांसह विकसित करण्यात येईल. यामुळे प्रस्तावित खोपटा न्यू टाउनच्या सुनियोजित आणि पद्धतशीर विकासाच्या प्रक्रियेला अधिक गती मिळेल," असे सिडकोचे व्यवस्थापकीय संचालक डॉ. संजय मुखर्जी यांनी सांगितले.