मानपाडा बलात्कार प्रकरणातील सुनावणीसाठी पुढील तारीख सकाळ वृत्तसेवा डोंबिवली, ता. ४ ः मानपाडा पोलिस ठाण्याच्या हद्दीत अल्पवयीन मुलीवर सामूहिक बलात्काराची घटना घडली होती. या प्रकरणातील चार आरोपींनी कल्याण जिल्हा सत्र न्यायालयातील विशेष पोक्सो न्यायालयात जामिनासाठी अर्ज दाखल केला आहे. जामिनावर मंगळवारी सुनावणी होती. आता न्यायालयाने सुनावणीसाठी पुढील तारीख दिली आहे. मानपाडा पोलिस ठाण्याच्या हद्दीत ही घटना उघडकीस आली होती. मानपाडा पोलिसांनी या गुन्ह्याचे दोषारोपपत्र न्यायालयात सादर केले आहे. मंगळवारी जामिनावर सुनावणी होती. दरम्यान, सुनावणीला पोलिसांची भूमिका समजू न शकल्याने न्यायालयाने जामिनावरील सुनावणीसाठी पुढील तारीख दिली आहे. त्यानुसार आता ही सुनावणी २ फेब्रुवारीला होणार आहे.