मालवणीतील हेल्थ पोस्टवर त्वचारोग तज्ज्ञांचे दिवस वाढवा! मालाड, ता. ५ (बातमीदार) ः मालवणीतील केईएम हेल्थ पोस्टमध्ये त्वचारोगतज्ज्ञांचे दिवस वाढवण्याची मागणी होत आहे. सफल विकास वेलफेअर सोसायटी आणि राष्ट्र सेवा दल, मालवणीच्या वतीने ही मागणी करण्यात आली आहे. मुंबई पालिका आयुक्त इक्बाल सिंह चहल तसेच महापौर किशोरी पेडणेकर, पी उत्तर विभाच्या वैद्यकीय अधिकारी याच्याकडे मागणी करण्यात आली आहे. मालवणीची लोकसंख्या पाहता येथे आठवड्यातून दोन दिवस त्वचारोगतज्ज्ञांची सेवा सुरू करावी, अशी मागणी आहे. सद्या केईएम हेल्थ पोस्टमध्ये फक्त मंगळवारी त्वचारोगतज्ज्ञ उपलब्ध असतात. खाडीच्या पाण्यामुळे इथे त्वचारोगी मोठ्या संख्येने आढळतात. हातावर पोट असलेले अधिक जण असल्याने त्यांना खासगी रुग्णालयातील उपचार परवडत नाहीत. आठवड्यातून दोन दिवस त्वचारोगतज्ज्ञ उपलब्ध झाल्यास त्यांना मोठा दिलासा मिळेल. आरोग्य समिती सदस्य आणि नगरसेवक वीरेंद्र चौधरी म्हणाले की, याबाबत पाठपुरावा करून लवकरात लवकर ही सेवा सुरू करणार आहे. ...