मुंबई : सर्वसामान्य नागरिकांची सुरक्षा पोलिसांवर असते, असे नेहमी म्हटलं जातं; परंतु मुंबईतील एका निलंबित पोलिसाकडूनच महिलेचा विनयभंग (woman molestation) करण्यात आला. अक्षय चौगुले (वय ३१) असे आरोपी पोलिसाचे नाव असून त्याच्यावर भोईवाडा पोलिस ठाण्यात (bhoiwada police station) गुन्हा दाखल (police FIR) करण्यात आला आहे. अक्षय चौगुले याच्यावर यापूर्वी विनयभंगाचे तीन आणि चोरीचा एक गुन्हा दाखल झाला आहे. (Police complaint filed on suspended police in woman molestation crime)

चौगुले हा मुंबई पोलिसांच्या मरोळ सशस्र विभागात कार्यरत होता. २०१८ मध्ये त्याला विनयभंगाच्या गुन्ह्यामुळे निलंबित करण्यात आले होते. दरम्यान, बुधवारी (ता. ५) एक महिला स्नानगृहात अंघोळ करताना चौगुले हा खिडकीतून आत बघण्याचा प्रयत्न करत होता.

ही बाब महिलेच्या लक्षात येताच तिने आरडाओरडा केला. त्यावेळी स्थानिकांनी त्याला पकडले. या प्रकरणी चौगुलेवर भोईवाडा पोलिस ठाण्यात गुन्हा नोंदवण्यात आला असून पोलिसांनी त्याला अटक केली आहे.