‘स्वाभिमान’च्या फलकाचे अनावरण वाडा, ता. ९ (बातमीदार) ः तालुक्यातील कुडूस विभागातील दूध डेरी व दूध उत्पादक शेतकरी संघटित होऊन स्वाभिमान संघटनेच्या झेंड्याखाली एकत्रित आले आहेत. कुडूस येथे गुरुवारी सायंकाळी स्वाभिमान संघटनेचे जिल्हाध्यक्ष जितेश पाटील व तालुकाध्यक्ष रवींद्र मेणे यांच्या प्रमुख उपस्थितीत दूध डेरी व दूध उत्पादक संघटनेच्या नामफलकाचे अनावरण करण्यात आले. यावेळी कुडूस विभागातील ४२ दूध उत्पादक शेतकरी स्वाभिमान संघटनेच्या झेंड्याखाली एकत्र आले. केंद्रीय सूक्ष्म, लघु व मध्यम उद्योगमंत्री नारायण राणे व स्वाभिमान संघटनेचे संस्थापक अध्यक्ष तथा आमदार नीतेश राणे यांच्या नेतृत्वावर विश्वास व्यक्त करीत आम्ही या संघटनेचे सदस्यत्व स्वीकारले असल्याचे उपस्थितीत दूध उत्पादक शेतकऱ्यांनी सांगितले.