रिक्षाचालकाचा प्रामाणिकपणा पोलादपूर (बातमीदार) : तालुक्यातील दिविल येथील रहिवासी रिक्षाचालक तुषार चांढवेकर यांना पोलादपूर बाजारपेठेत एका महिलेची हरवलेली पर्स व मोबाईल सापडला होता. त्यानंतर तातडीने रिक्षाचालक तुषार चांढवेकर यांनी पोलादपूर पोलिस ठाणे येथे जाऊन अंमलदार रूपेश पवार यांच्याकडे मोबाईल व पर्स दिली. पवार यांनी तत्काळ प्रमिला पवार या महिलेचा शोध घेऊन मोबाईल व पर्स ओळख पटवून परत केली आहे. चांढवेकर यांनी दाखवलेल्या प्रामाणिकपणाबद्दल रिक्षाचालक व पोलादपूर पोलिसांचे कौतुक होत आहे.