कल्याण, ता. २४ (बातमीदार) ः कल्याण-डोंबिवली पालिका आयुक्त डॉ. विजय सूर्यवंशी यांच्या संकल्पनेतून सुरू असलेल्या कायापालट अभियानाअंतर्गत बुधवारी पालिकेच्या पथकाने कल्याण-डोंबिवलीमधील विविध प्रभागांत असलेल्या अनधिकृत बॅनर्सवर कारवाई करण्यात आली.
कल्याण पूर्वमधील सहायक आयुक्त हेमा मुंबरकर यांच्या पथकाने कल्याण पूर्वमधील कोळसेवाडी, गणेशवाडी परिसरातील एकूण ४२ बॅनर्सवर धडक कारवाई करण्यात आली. सहायक आयुक्त सविता हिले यांच्या पथकाने ड प्रभाग क्षेत्र कार्यालय ते विठ्ठलवाडी रेल्वेस्थानक परिसरात अनधिकृतपणे लावण्यात आलेले ३१ बॅनर्स हटवले. डोंबिवलीमधील सहायक आयुक्त किशोर शेळके यांच्या पथकाने डोंबिवली पूर्व, ९० फुटी रोड, घारडा सर्कल, कल्याण रोड या परिसरातील एकूण ७७ बॅनर्सवर कारवाई केली.