विरार ता. १० (बातमीदार) ः ९३ व्या अखिल भारतीय साहित्य संमेलनाचे अध्यक्ष फादर फ्रान्सिस दिब्रिटो यांना बॅरिस्टर काकासाहेब गाडगीळ पुरस्काराने सन्मानित करण्यात आले. हा पुरस्कार १९६२ मध्ये झालेल्या साहित्य संमेलनाचे अध्यक्ष काकासाहेब गाडगीळ यांच्या स्मृतिप्रीप्रित्यर्थ दिला जातो. दिब्रिटो यांच्या घरीच छोटेखानी समारंभात काकासाहेब गाडगीळ ट्रस्टचे अनंत गाडगीळ, पत्रकार अरविंद गोखले आणि ट्रस्टचे सेक्रेटरी नाना ढाबू यांच्या उपस्थित हा पुरस्कार दिब्रिटो यांना प्रदान करण्यात आला.
फादर फ्रान्सिस दिब्रिटो म्हणाले, बॅरिस्टर गाडगीळ यांनी स्वातंत्र्याची चळवळ महाराष्ट्राच्या खेडोपाडी पोचविण्याचे काम केले. जेधे-गाडगीळ या जोडगोळीने मोठ्या कष्टाने हे काम केले. गाडगीळ यांच्या स्मृतीसाठी दिला जाणारा पुरस्कार, हा मी माझा मोठा सन्मान समजतो.