वसई : दोन वर्षे कोरोनामुळे उत्सवांवर निर्बंध लादण्यात आले होते; मात्र यंदा रामनवमी उत्सव (Ramnavami Festival) मोठ्या उत्साहात साजरा करण्यात आला. पालघर (Palghar) जिल्ह्यातील मंदिरात भाविकांची रीघ (Devotees in temple) पाहावयास मिळाली. जय श्री रामाच्या (jai shri ram) जयघोषाने अवघा पालघर जिल्हा भक्तिमय वातावरणात न्हाऊन निघाला होता.

रामनवमीनिमित्त डहाणू, सफाळे, बोईसर, पालघर, वसई, विरार, विक्रमगड, तलासरी, जव्हार भागातील राम मंदिरात सकाळपासून भाविकांची रेलचेल सुरू होती. धार्मिक कार्यक्रमाचे आयोजन ठिकठिकाणी करण्यात आले होते.

रामनवमीनिमित्त वसईत स्टेशन ते रमेदी राम मंदिरापर्यंत पदयात्रा काढण्यात आली. या वेळी मोठ्या संख्येने नागरिकांनी सहभाग घेतला; तर सोपारा गाव येथील मंदिरात डॉ. किशोरकुमार जोशी यांनी भजन व कीर्तनाचे आयोजन केले होते. काही ठिकाणी रामायणाचे आयोजनदेखील मंदिरात करण्यात आले होते.