लोखंडी रॉडने दोघांना मारहाण
पाली, ता. ३ (वार्ताहर)ः सुधागड तालुक्यातील कळंब येथे भांडणाचा राग मनात धरून दोघांना लोखंडी रॉड, तसेच लाथाबुक्क्यांनी जबर मारहाण करण्यात आली आहे. शनिवारी (ता. २) पहाटे झालेल्या या घटनेची पाली पोलिस ठाण्यात नोंद करण्यात आली आहे.
कळंब येथील भगवान झोरे, चंद्रकांत आखाडे यांच्यासह आणखी एका व्यक्तीने झालेल्या भांडणाचा राग मनात धरून अनंता ढेबे व रमेश आखाडे यांना लोखंडी रॉड, हाताबुक्यांनी मारहाण करून शिवीगाळ व दमदाटी करत ठार मारण्याची धमकी दिली होती. या मारहाणीत दोघेही गंभीर जखमी आहेत. त्यांना परळी येथील खासगी रुग्णालयात उपचारासाठी दाखल करण्यात आले होते. यासंदर्भात धोंडू ढेबे यांनी नोंदवलेल्या फिर्यादीनंतर पाली पोलिस ठाण्यात गुन्हा नोंदणी क्रमांक २२/२०२४ भादवी ३२४,३२३,५०६, ३४ प्रमाणे दाखल केला आहे.