शेकापच्या मेळाव्याला राज ठाकरे यांची उपस्थिती
अलिबाग, ता. २८ : शेतकरी कामगार पक्षाचा ७८ वा वर्धापनदिन यावर्षी पनवेल येथे आयोजित करण्यात आला आहे. यानिमित्ताने शनिवारी (ता. २) सकाळी १० वाजता, नवीन पनवेल येथे पक्ष सदस्यांचा मेळावा होणार आहे. यामध्ये शेकाप सरचिटणीसहसह अन्य दिग्गज मंडळी कार्यकर्त्यांना संबोधित करणार असल्याची माहिती देण्यात आली आहे. या मेळाव्याला मनसेचे अध्यक्ष राज ठाकरे हे उपस्थिती असणार आहेत, अशी माहितीही या वेळी देण्यात आली
शेकापच्या मेळाव्यात सरचिटणीस जयंत पाटील, माजी आमदार बाळाराम पाटील, शेकाप महिला आघाडी प्रमुख चित्रलेखा पाटील, राज्य खजिनदार अतूल म्हात्रे, शेकाप सोशल मीडिया प्रमुख तथा प्रवक्त्या चित्रलेखा पाटील, माजी नगराध्यक्ष प्रशांत नाईक, शेकाप कामगार आघाडीचे प्रमुख प्रदीप नाईक, शेकाप जिल्हा चिटणीस सुरेश खैरे, शेकाप सहचिटणीस ॲड. गौतम पाटील आदी दिग्गज मान्यवर मंडळी उपस्थित राहणार आहेत. या मेळाव्यात सहभागी होण्यासाठी कार्यकर्त्यांनी तयारी जोरात सुरू केली आहे.