महाड, ता.१०(बातमीदार): महाड आगारातून सांदोशीकडे तर माणगावहून किल्ले रायगडकडे जाणाऱ्या दोन एसटी बस रविवारी (ता.१०) समोरासमोर धडकल्या. या अपघातात पाच प्रवासी जखमी झाले होते. पाचाड प्राथमिक आरोग्य केंद्रात उपचार सुरू आहेत.
पाचाड येथील बांधणीच्या माळावर दोन्ही बसची समोरा समोर धडक झाली. या अपघातात एसटी चालक अविनाश विंचोरकर तर गणपत कदम, सीता कदम, गणेश जाधव, राजाराम लांबर, अपर्णा शेडगे, पूजा मांडे, स्मिथ मांडे, स्वप्नील उमराटकर, वृषाली मोरे, सुचिता धोत्रे जखमी आहेत. पाचाड प्राथमिक आरोग्य केंद्रात उपचार सुरू असल्याची माहिती वैद्यकीय अधिकारी सूरज कोंडुळे यांनी दिली.