सन मोबिलिटीतर्फे बॅटरी स्वाइप तंत्रज्ञान
मुंबई, ता. १५ ः इलेक्ट्रिक वाहनांना ऊर्जा व पायाभूत सुविधा पुरवणारी सन मोबिलिटीने अवजड इलेक्ट्रिक वाहनांसाठी जगातील पहिले मॉड्यूलर बॅटरी स्वाइप तंत्रज्ञान सादर केले. बस ॲण्ड कार ऑपरेटर्स कॉन्फेडरेशन ऑफ इंडियाद्वारे आयोजित ‘प्रवास ४.०’ या आंतरराष्ट्रीय परिषदेमध्ये कंपनीने बस उत्पादक वीरा व्हेइकल्सच्या भागीदारीत भारतातील बॅटरी स्वाइप करण्यायोग्य पहिल्या बस सादर केल्या. तीन टन ते ५५ टनापर्यंत एकूण वाहन वजन असलेल्या हलक्या, मध्यम आणि जड ट्रक आणि बससाठी या बॅटरी आहेत. बॅटरी स्वाइपमुळे बसचा खर्च चाळीस टक्क्यांनी कमी होईल, असे सन मोबिलिटीचे मुख्य कार्यकारी अधिकारी अशोक अग्रवाल म्हणाले.