शालेय शिक्षणासाठी
३,४९६ कोटींची तरतूद
आरटीईच्या प्रतिपूर्तीसाठी ४३० कोटींची तरतूद
राज्य अर्थसंकल्पात शालेय शिक्षण आणि क्रीडा विभागासाठी एकूण तीन हजार ४९६ कोटींची तरतूद करण्यात आली आहे. यात सरकारी, अनुदानित शाळांतील शिक्षक आणि शिक्षकेतर कर्मचाऱ्यांच्या अनुदानासाठीची सर्वाधिक रक्कम असून त्याखालोखाल वेतनेतन अनुदान, शिक्षकांचे प्रशिक्षण, विविध प्रकारच्या लॅब आदींचा समावेश आहे. दुसरीकडे खासगी व्यवस्थापनांच्या शाळांना आरटीईच्या प्रतिपूर्तीसाठी सुमारे एक हजार ४०० कोटींहून अधिक रकमेची गरज असताना या अर्थसंकल्पात केवळ ४३० कोटी रुपयांची तरतूद करण्यात आहे.
राज्यात पीएमश्री प्राथमिक शाळा विकसित करण्यासाठी त्यांच्या बांधकामे आणि इतर विकासासाठीही भरीव तरतूद करण्यात आली आहे. यासोबत प्रधानमंत्री पोषण शक्ती निर्माण आदी योजनांसाठीही मोठ्या प्रमाणात तरतुदी करण्यात आल्या आहेत. सरकारी शाळांत विद्यार्थ्यांना देण्यात येणाऱ्या मोफत गणवेश, बूटसाठी १४५ कोटींची तरतूद करण्यात आली आहे. स्वातंत्र्य आणि माजी सैनिकांच्या मुलांच्या शैक्षणिक सवलती, प्राथमिक शिक्षकांच्या मुलांना शैक्षणिक सवलती, तसेच दहावीपर्यंत मुलांना मोफत शिक्षण कार्यक्रमासाठीसाठीही तरतूद करण्यात आली आहे.