ॲमेझॉन फॅशनचे जेन झेडसाठी सर्व्ह डिशिंग आउट स्टाइल
मुंबई, ता. २५ : जेन झेड म्हणजेच युवा पिढीसाठी ॲमेझॉन फॅशनने आपल्या ऑनलाइन स्टोअरचे नव्याने ब्रॅंडिंग करताना त्याचे नाव ‘सर्व्ह डिशिंग आउट स्टाइल’ असे ठेवले आहे. स्वतःला आत्मविश्वासाने आणि उठावदार पद्धतीने सादर करा, अशी त्यामागील संकल्पना आहे. यामुळे नागपूर, चंदीगड, कोची, पाटना, जयपूर, सुरत अशा दुसऱ्या-तिसऱ्या श्रेणीतील शहरांमधील खरेदीदारांची संख्याही चारपट वाढली आहे.
या स्टोअरमध्ये ३५०पेक्षा जास्त देशी आणि आंतरराष्ट्रीय ब्रँडची २० लाख उत्पादने असून, अद्वितीय फॅशन प्लॅटफॉर्म म्हणून ही स्टोअर सादर केली आहेत. यात बारसिनो, टोकियो टॉकीज, हायलँडर, द बियर हाऊस, मोकोबरा, मोग्झी असे नवे ब्रँडही आहेत. तरुणांच्या सतत बदलणाऱ्या फॅशन आवडीनुसार येथे फास्ट फॅशन टिकाऊ पर्याय आणि परवडणाऱ्या स्टाइल आहेत. वाय टू के, जेंडर न्यूट्रल फॅशन, डोपामिन ड्रेसिंग, कोरियन ब्युटी, सस्टेनेबल फॅशन अशा मायक्रो ट्रेंड येथील कलेक्शनचा भाग आहेत, असे ॲमेझॉन फॅशन इंडियाचे संचालक निखिल सिंह म्हणाले.