मुंबई

सहार रोडवरील खड्डे भरले!!

CD

सहार रोडवरील खड्डे भरले!
वॉचडॉग फाउंडेशनचा आंदोलनात्मक उपक्रम
मुंबई, ता. ९ : अंधेरी ते छत्रपती शिवाजी महाराज आंतरराष्ट्रीय विमानतळदरम्यान असलेल्या सुमारे चार किमी लांब सहार रोडवरील खड्ड्यांमुळे वाहनचालक त्रस्त आहेत. नागरिकांनी वारंवार मुंबई महापालिका आणि विमानतळ प्रशासनाकडे तक्रारी केल्या; मात्र कोणतीही दखल न घेतल्यामुळे अखेर वॉचडॉग फाउंडेशनच्या कार्यकर्त्यांनी आज स्वतःच रस्त्यावर उतरून खड्डे भरले.
या उपक्रमात वॉचडॉग फाउंडेशनचे १५ ते २० सदस्य सहभागी झाले होते. त्यांनी विशेषत: रॅबीट आणि डेब्रिजचा वापर करून सहार रोडवरील ३५ ते ४० खड्डे भरले. खड्डे भरण्यासाठी त्यांनी स्वतः टेम्पो भाड्याने घेतला आणि त्यामध्ये साहित्य आणले. तब्बल चार तास चाललेल्या या कामामुळे वाहनचालकांना काहीसा दिलासा मिळाला आहे.
या रस्त्याचे व्यवस्थापन हे महापालिकेच्या अखत्यारीत आहे की विमानतळ प्रशासनाच्या, यावरून वाद सुरू आहे. त्यामुळे देखभाल आणि दुरुस्तीच्या जबाबदारीवरही प्रश्नचिन्ह निर्माण झाले आहे.
वॉचडॉग फाउंडेशनचे सदस्य गॉडफ्रे पिमेंटा म्हणाले की, ‘‘हा रस्ता विमानतळ हद्दीत येतो आणि तरीही त्यांनी कोणतीही दखल घेतलेली नाही. वारंवार तक्रारी करूनही दुर्लक्ष होत असल्याने आम्ही स्वतः पुढाकार घेतला.’’
दरम्‍यान, पावसाने जोर पकडल्याने रस्त्यांवर खड्डे पडण्याचे प्रमाण वाढले आहे. यामुळे वाहतूक कोंडी सोबतच वाहनांचेही नुकसान मोठ्या प्रमाणावर होत आहे. रस्त्याची दुरुस्ती तत्काळ केली नाही, तर पुढील वेळी अधिक मोठ्या प्रमाणात आंदोलन छेडले जाईल, असा इशारा वॉचडॉग फाउंडेशनने प्रशासनाला दिला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

कुणाला गद्दार म्हणतो, बाहेर ये तुला दाखवतो; विधानसभेत मंत्री देसाई आणि परब यांच्यात जुंपली, सभागृहात राडा

Maharashtra : गणेशोत्सव राज्याचा उत्सव, अधिवेशनात मोठी घोषणा; व्यवस्थेसाठी लागेल तेवढा निधी देऊ, सांस्कृतिक मंत्री काय म्हणाले?

Youtube New Rules : यूट्यूबच्या नियमात मोठा बदल! मेहनत करून बनवलेल्या 'या' व्हिडीओंची कमाई बंद, मोनेटायझेशनसाठी भयानक अटी व शर्ती..

सायली संजीव कुठेय? स्टार प्रवाहच्या नव्या मालिकेचा प्रोमो समोर; चेतन वडनेरेसोबत दिसतेय 'ही' अभिनेत्री; वाचा कथा

Capricorn Perfect Partner: मकर राशीसाठी कोण आहे परफेक्ट मॅच? जाणून घ्या कोणत्या राशीसोबत होईल नातं सखोल

SCROLL FOR NEXT