अवैध उत्खननप्रकरणी ‘हिरानंदानी’विरोधात गुन्हा

मुंबई : पवई येथील डोंगराळ भागात अवैधरीत्या उत्खनन करणाऱ्या हिरानंदानी बिल्डर्स व डेव्हलपर्सविरोधात महाराष्ट्र प्रादेशिक नियोजन नगररचना अधिनियमांतर्गत (एमआरटीपी) गुरुवारी (ता. १०) गुन्हा नोंदविण्यात आला. ही कारवाई महापालिकेच्या तक्रारीआधारे केल्याचे पोलिसांनी सांगितले. पवई पोलिसांनी दिलेल्या माहितीनुसार गुरुवारी (ता. ३) पालिकेच्या एल विभाग कार्यालयात या अवैध उत्खननाबाबत तक्रार प्राप्त झाली. पालिका अधिकाऱ्यांनी प्रत्यक्ष पाहणी करून उत्खनन करणाऱ्या हिरानंदानी बिल्डर्स व डेव्हलपर्स कंपनीला नोटीस जारी करून परवानगीबाबत विचारणा केली. कंपनीकडून नोटिशीला उत्तर किंवा या उत्खननाबाबत घेतलेली परवानगी सादर न झाल्याने पालिका अधिकाऱ्यांनी तक्रार दिली.