‘ऑगस्ट क्रांती राजधानी’ला दाहोद स्थानकावर प्रायोगिक थांबा
सकाळ वृत्तसेवा
मुंबई, ता. २० : प्रवाशांच्या सोयीसाठी पश्चिम रेल्वेने एक महत्त्वपूर्ण निर्णय घेतला आहे. मुंबई सेंट्रल-हजरत निझामुद्दीन ऑगस्ट क्रांती राजधानी तेजस एक्स्प्रेसला दाहोद स्थानकावर प्रायोगिक थांबा देण्यात आला आहे. त्यामुळे दाहोद स्थानकावरून प्रवास करणाऱ्या प्रवाशांना मोठा दिलासा मिळणार आहे.
पश्चिम रेल्वेचे मुख्य जनसंपर्क अधिकारी विनीत अभिषेक यांनी दिलेल्या माहितीनुसार, हा निर्णय लागू करण्यात आला आहे. ट्रेन क्रमांक १२९५३ मुंबई सेंट्रल-हजरत निझामुद्दीन दाहोद स्थानकावर रात्री ११.३८ वाजता पोहोचेल आणि रात्री ११.४० वाजता पुढील प्रवासासाठी रवाना होईल. ट्रेन क्रमांक १२९५४ हजरत निझामुद्दीन-मुंबई सेंट्रल एक्स्प्रेस दाहोद स्थानकावर मध्यरात्री २.३१ वाजता पोहोचेल आणि रात्री २.३३ वाजता पुढे निघेल. यामुळे गुजरात आणि मध्य प्रदेश सीमेवरील प्रवाशांना मोठा दिलासा मिळणार आहे.