मुंबई, ता. २३ : हिंदुहृदयसम्राट बाळासाहेब ठाकरे वैद्यकीय महाविद्यालय आणि डॉ. आर. एन. कूपर रुग्णालयात आढळलेल्या विविध प्रशासकीय अनियमिततेमुळे अधिष्ठाता डॉ. सुधीर मेढेकर यांना पदावरून हटवण्यात आले आहे. यासंदर्भात त्वरित कारवाई करीत महापालिका आयुक्तांनी चौकशीचे आदेश दिले असून, चौकशी पूर्ण होईपर्यंत डॉ. मेढेकर विभागप्रमुखपदाची जबाबदारी दिली आहे. कूपर रुग्णालय हे मुंबईतील प्रमुख शासकीय वैद्यकीय संस्थांपैकी एक असून, येथे दररोज हजारो रुग्णांवर उपचार होतात. त्यामुळे संस्थेतील व्यवस्थापनाची जबाबदारी अत्यंत महत्त्वाची मानली जाते.