श्रीयाळशेठराजाचा उत्सव यंदा जल्लोषात

पुणे : औटघटकेचा राजा श्री श्रीयाळशेठराजाचा वार्षिक एकदिवसीय उत्सव श्री श्रीयाळशेठराजा उत्सव ट्रस्ट यंदाही पारंपरिक पद्धतीने साजरा करणार आहे. हा उत्सव येत्या बुधवारी (ता. ३०) रास्ता पेठेतील श्रीयाळशेठराजा चौक येथे सकाळी ११ ते रात्री ११ या वेळेत आयोजित केला आहे. उत्सवाचे ३९१वे वर्ष असून ही परंपरा ओंकार बकरे यांच्या कुटुंबाकडून पिढ्यानपिढ्या जतन केली जात आहे. कार्यक्रमाला प्रमुख पाहुणे म्हणून श्री देवदेवेश्वर संस्थानचे विश्र्वस्त पुष्करसिंह पेशवे व रमेश भगवत उपस्थित राहणार असल्याची माहिती ट्रस्टचे प्रमुख विश्वस्त विकास बकरे यांनी दिली.