मुंबई, ता. ७ : ॲक्सिस बँकेतर्फे एक ते पाच सप्टेंबरदरम्यान 'स्पर्श वीक २०२५' हा महत्त्वाकांक्षी उपक्रम सलग तिसऱ्या वर्षी राबविण्यात आला. यात बँकेच्या वरिष्ठ अधिकाऱ्यांनी देशभर ग्राहकांशी संवाद साधून त्यांच्याशी असलेले संबंध दृढ केले.

या उपक्रमात बँकेचे अॅक्सिस बँकेचे एमडी आणि सीईओ अमिताभ चौधरी, कार्यकारी संचालक मुनीश शारदा, सुब्रत मोहंती आणि नीरज गंभीर यांच्यासह ४० हून अधिक वरिष्ठ अधिकारी देशातील ४० शहरांमध्ये विशेष सत्रे घेऊन थेट ग्राहकांशी संवाद साधला, कर्मचाऱ्यांना मार्गदर्शन केले. तसेच देशभरातील ५८६८ शाखांमधील एक लाखांहून अधिक कर्मचाऱ्यांनीही ग्राहकांशी संवाद साधून ग्राहकसंबंध दृढ केले, असे बँकेने म्हटले आहे.

'ब्रँडची जबाबदारी स्वतःची समजा, ग्राहकाला आपला समजा, त्वरित कृती करा आणि प्रलंबित काम शून्यावर आणा' या चार तत्वांवर आधारित या उपक्रमात काम केले जाईल. या उपक्रमात केवळ ७.६ टक्के व्याजदरापासून सुरू होणाऱ्या विशेष गृहकर्ज योजनांसह, डी-मॅट खाते, फॉरेक्स आणि लॉकर सुविधा, फॅमिली बँकिंग व आरोग्य विमा यावर विशेष लाभ मिळेल. यंदा १.५ लाख ग्राहकांशी संवाद साधण्याचे उद्दिष्ट आहे, असे बँकेचे व्यवस्थापकीय संचालक अमिताभ चौधरी यांनी सांगितले.