कॅब, रिक्षा आणि टॅक्सीचालकांचे आंदोलन 
मुंबई, ता. ३० ः  परिवहन विभागाने आदेश देऊनही ओला, उबर व रॅपिडो कंपन्यांनी आजतागायत त्यांच्या मोबाईल ॲप्लिकेशनवर कोणतेही दर लागू केले नाही. त्याविरोधात भारतीय गिग कामगार मंचाकडून मंगळवारी (ता. ३०)  आझाद मैदान येथे भरपावसात आंदोलन करण्यात आले. या वेळी चालक-वाहक  मोठ्या संख्येने उपस्थित होते.  भारतीय गिग कामगार मंच अध्यक्ष डॉ. केशव नाना क्षीरसागर म्हणाले, की परिवहन विभागाने आदेश देऊन दोन आठवडे उलटूनही ओला, उबर व रॅपिडो  कंपन्यांनी त्यांच्या ॲप्लिकेशनवर कुठल्याही प्रकारे बदल केलेले नाही.  तसेच बाइक टॅक्सीच्या बाबत संबंधित कंपन्या नंबरप्लेटबाबत नियमांचे उल्लंघन करीत असून त्यांच्यावर  कारवाई करण्यात यावी, अशी ही मागणी त्यांनी या वेळी केली.