कुर्ला येथील आगीत २० गाळे खाक
वाहनांचे सुटे भाग, टायरचे नुकसान
सकाळ वृत्तसेवा
मुंबई, ता. १३ : कुर्ला पश्चिमेतील कापडिया नगर भागात सोमवारी पहाटे भीषण आग लागली. या आगीत १५ ते २० गाळ्यांचे नुकसान झाले असून वाहनांचे सुटे भाग, टायर, इलेक्ट्रिक वायरिंग, भंगार आणि इतर साहित्य जळून खाक झाल्या. तेथील लोकांना वेळीच बाहेर काढल्याने माेठा अनर्थ टळला. या आगीवर चार तासांनी नियंत्रण मिळवल्याचे अग्निशमन दलाने स्पष्ट केले.
कापडियानगर भागातील ही आग पहाटे २.४५ च्या सुमारास लागल्याचे मुंबई अग्निशमन दलाने सांगितले. या आगीला पहाटे २.४३ वाजता लेव्हल-१ आणि २.५७ वाजता लेव्हल-२ घोषित करण्यात आले.
कापडिया नगरमधील गुरुद्वाऱ्याजवळील १५ ते २० गाळ्यांमध्ये लागलेली ही आग वायर आणि वायरिंगमुळे क्षणार्धात भडकली. अग्निशमन दलाने पहाटेपर्यंत शर्थीचे प्रयत्न करून आग नियंत्रणात आणली. या घटनेत कोणीही जखमी झाले नाही, अशी माहिती मुंबई अग्नीशमन दलाने दिली. आगीचे नेमके कारण अद्याप स्पष्ट झालेले नसल्याचे सांगण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.