पायलिंग यंत्र पडून
इमारतीचे नुकसान
प्रभादेवी येथील घटना; विकसकावर गुन्हा
मुंबई, ता. १९ : प्रभादेवी येथील रवींद्र नाट्यमंदिरासमोर नव्या इमारतीच्या बांधकामादरम्यान पायलिंग यंत्र शेजारच्या इमारतीवर कलंडून झालेल्या अपघातप्रकरणी दादर पोलिसांनी इन्क्लाइन इस्टेट प्रॉपर्टीज एलएलपी या बांधकाम कंपनीच्या विकसकासह संबंधितांवर गुन्हा दाखल करण्यात आला आहे. हा अपघात मंगळवारी (ता. १६) घडला होता.
विकसक जितेंद्र जैन, पायलिंग कामाचे कंत्राटदार माजिद खान व चंदन हुलावले, प्रकल्प अभियंता अमित संघवी, प्रकल्प व्यवस्थापक प्रियंका राॅड्रीक्स, यंत्रचालक मोहम्मद तौसिफ मोहम्मद वसिफ व त्याचा सहकारी अशफाक यांना या गुन्ह्यात आरोपी करण्यात आले असल्याचे पोलिसांनी सांगितले.
अपघातात शेजारील उद्यान दर्शन सोसायटीत चौथ्या मजल्यावर राहणाऱ्या मेघा राजाध्यक्ष यांच्या घराचे नुकसान झाले. त्यांच्याच तक्रारीआधारे पोलिसांनी गुन्हा नोंदवला आहे. अवजड यंत्र कोसळल्याने इमारतीस हादरा बसला. त्यामुळे इमारतीच्या संरचनेस आणि रहिवाशांच्या जीवास धोका निर्माण झाला, असे राजाध्यक्ष यांनी तक्रारीत म्हटले आहे. दरम्यान, हे यंत्र कलंडणार नाही, यादृष्टीने कंपनीने कोणतीही खबरदारी घेतली नसल्याचे प्राथमिक पाहणीत निष्पन्न झाल्याचे पोलिसांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.