कोर्लई समुद्रकिनारी आढळला मृतदेह
मुरूड, ता. ४ (बातमीदार) ः मुरूड तालुक्यामधील कोर्लई समुद्रकिनारी एका अज्ञात व्यक्तीचा विवस्र अवस्थेतील मृतदेह मंगळवारी (ता. ४) आढळून आला. अनेक दिवस पाण्यात राहिल्याने माशांनी मृतदेहाचा भाग खाल्ला होता. उत्तरीय तपासणीसाठी मृतदेह अलिबागच्या जिल्हा रुग्णालयात पाठविण्यात आला. रेवदंडा पोलिस याप्रकरणी तपास करीत असून त्याची ओळख पटवण्यात येत आहे.
हा मृतदेह पुरुष जातीचा असून कुणी व्यक्ती बेपत्ता असल्यास त्याची खातरजमा करण्यासाठी रेवदंडा पोलिस ठाण्याशी संपर्क साधण्याचे आवाहन करण्यात येत आहे.