भाईंदर, ता. १४ (बातमीदार) : भाईंदर पूर्वच्या नवघर परिसरात ‘लग्नठरले.कॉम’ या संस्थेच्या वतीने नुकतेच वधूवर परिचय मेळाव्याचे आयोजन करण्यात आले होते. या मेळाव्याला तरुण-तरुणी मोठ्या संख्येने उपस्थित होते. ‘लग्नठरले.कॉम’ ही संस्था मिरा-भाईंदर शहरात गेल्या दोन वर्षांपासून तरुण-तरुणींची लग्न जुळवण्याचे काम करत असून संस्थेच्या माध्यामातून आजपर्यंत ५० हुन अधिक जणांची लग्न जुळवून देण्यात आली आहेत, अशी माहिती संस्थापक विनोद कदम यांनी दिली. संस्था आजवर ऑनलाइन पद्धती काम करत होती, मात्र आता ऑफलाईन पद्धतीने देखील सेवा देण्याचे संस्थेने ठरवले आहे. संस्थेने आयोजित केलेल्या वधूवर परिचय मेळाव्याला ३५३ जणांची नोंदणी केली होती. या मेळाव्यादरम्यान एखाद्याला पुढील बोलणी करायची असेल तर त्याकरता ‘मॅजिक बॉक्स’ नावाची सुविधाही संस्थेने उपलब्ध करून दिली आहे.