नवी मुंबई (वार्ताहर) : यूट्युबमधील व्हिडीओ लाईक केल्यास प्रत्येक व्हिडीओमागे ५० रुपये देण्याच्या प्रलोभनातून सायबर चोरांच्या टोळीने सीवूड्स भागात राहणाऱ्या तरुणीला तीन लाख ३० हजारांना गंडवल्याचा प्रकार उघडकीस आला आहे. याप्रकरणी एनआरआय पोलिस ठाण्यात आयटी ॲक्टनुसार गुन्हा दाखल केला आहे.
सीवूड्समध्ये पतीसह राहणारी मुंबईतील तरुणी एका कंपनीत सॉफ्टवेअर इंजिनिअर म्हणून कामाला आहे. फेब्रुवारी महिन्यात सायबर चोरट्यांनी या तरुणीला यूट्युबमधील व्हिडीओ लाईक केल्यास प्रत्येक व्हिडीओमागे ५० रुपये मिळतील असे प्रलोभन दाखवणारा संदेश पाठवला होता. त्यामुळे या तरुणीने सायबर चोरट्यांना आपला अकाऊंट नंबर पाठवून दिला. त्यानंतर सायबर चोरट्यांनी लिंकद्वारे यूट्युबवरील व्हिडीओ पाठवून दिले. या तरुणीने तिन्ही व्हिडीओ लाईक केल्यानंतर तिच्या बँक खात्यात पैसे जमा होत असल्याने तरुणीने तीन लाख ३० हजार रुपये भरले होते.