भिवंडी (बातमीदार) : शहरात वीजचोरीच्या घटनांमध्ये सातत्याने वाढ होत असतानाच एका वीजचोरावर शांतीनगर पोलिस ठाण्यात गुन्हा दाखल करण्यात आला आहे. निजामपुरा परिसरातील काप इस्लामपुरा भागात रफीउद्दीन फक्की शाळेजवळ मोजील इरफान मोमीन याने १४ नोव्हेंबर २०२२ ते २५ जुलै २०२२ या कालावधीत वीज मीटरवरून अनधिकृतपणे वीजपुरवठा घेतला होता. त्याने ५,३२१ युनिटचा वापर करून एक लाख पाच हजार ९१३ रुपयांची वीजचोरी केली. या प्रकरणी सहायक व्यवस्थापक हार्दिककुमार केशवलाल गोंडलिया यांनी शांतीनगर पोलिस ठाण्यात तक्रार दाखल केली आहे. या घटनेचा पुढील तपास सहायक पोलिस निरीक्षक राज माळी करत आहेत.