मुंबई, ता. ११ : मुंबई महापालिकेतर्फे पूर्व उपनगरातील ‘एल’ प्रभागामधील खैरानी रोडवर जमिनीखालील १२०० मिलिमीटर व्यासाच्या जलवाहिनीचे (असल्फा आऊटलेट) तुकाराम पूल ते जंगलेश्वर महादेव मंदिर या दरम्यान पुनर्वसन व मजबुतीकरणाचे काम हाती घेण्यात येणार आहे. हे काम दर शुक्रवारी दुपारी एक वाजल्यापासून रविवार पहाटे पाच वाजेपर्यंत हाती घेण्यात येणार आहे. परिणामी सलग तीन शनिवारी (दि. १३ मे, २० मे, व २७ मे) ‘एल’ वॉर्डमधील संघर्ष नगर, लॉयलका कम्पाऊंड, सुभाष नगर, भानुशाली वाडी, यादव नगर, दुर्गामाता मंदिर, कुलकर्णी वाडी, डिसुजा कम्पाऊंड, लक्ष्मी नारायण रोड, जोश नगर, आजाद मार्केट भागात पाणीपुरवठा पूर्णपणे बंद राहणार असल्याची माहिती पालिकेतर्फे देण्यात आली.