विक्रमगड (बातमीदार) : विक्रमगड पोलिस ठाण्यातील काही कर्मचाऱ्यांची बदली झाली आहे. वरिष्ठ पोलिस अधिकाऱ्यांकडून त्यांचा निरोप समारंभ आयोजित करण्यात आला होता. विक्रमगड पोलिस ठाण्यात आयोजित समारंभाला प्रभारी पोलिस निरीक्षक प्रदीप गीते, भाजप पालघर जिल्हा प्रसिद्धी प्रमुख पुंडलिक भानुशाली, शिवसेना विक्रमगड तालुका प्रमुख सागर आळशी, पोलिस उपनिरीक्षक सतीश जगताप आदी मान्यवर उपस्थित होते. या वेळी सहायक फौजदार दत्तू मौळे, पोलिस हवालदार परशुराम चौधरी, महिला पोलिस हवालदार मालन भोये, पोलिस नाईक बाळू भोये, सुनील पटोळे या कर्मचाऱ्यांची बदली झाल्यामुळे त्यांचा मान्यवरांच्या हस्ते सत्कार करण्यात आला. या कार्यक्रमाचे सूत्रसंचालन व प्रास्ताविक उपनिरीक्षक सतीश जगताप यांनी केले; तर प्रभारी पोलिस निरीक्षक प्रदीप गीते यांनी कर्मचाऱ्यांना मार्गदर्शन केले.