भिवंडी, ता. २० (बातमीदार) : मुंबई-नाशिक महामार्गावर नारपोली पोलिसांनी कारमधून जनावरांचे मांस घेऊन जाणाऱ्या दोघांना ताब्यात घेतले. कारची झडती घेतली असता त्यामध्ये गोमांस आढळल्याने नारपोली पोलिसांनी दोघांविरुद्ध गुन्हा दाखल करून त्यांना अटक केली आहे. झैद कुरेशी (वय १९, रा. नागपाडा, मुंबई) व मोहम्मद हुसेन (वय ३१, रा. कुरेशी नगर, कुर्ला) अशी अटक करण्यात आलेल्या तरुणांची नावे आहेत. पोलिसांनी दिलेल्या माहितीनुसार, एका कारमधून गोमांसाची वाहतूक होणार असल्याची माहिती मिळाली होती. त्यानंतर पोलिसांनी मानकोली येथील रुक्मिणी ढाब्याजवळ संशयास्पद कार थांबवून त्याची झडती घेतली असता त्यात ३०० किलो मांस आढळून आले. पोलिसांनी झैद आणि चालक मोहम्मद या दोघांना विना परवाना वाहनातून जनावरांच्या मांसाची वाहतूक केल्याप्रकरणी गुन्हा दाखल करून अटक करण्यात आली.