उल्हासनगर, ता. २५ (वार्ताहर) : उल्हासनगर महानगरपालिकेत सार्वजनिक बांधकाम विभागात कनिष्ठ अभियंतापदावर रुजू झालेले संदीप जाधव यांच्याकडे आयुक्त अजीज शेख यांनी प्रभारी शहर अभियंता या पदाचा पदभार सोपवला आहे. तत्कालीन शहर अभियंता प्रशांत सोळंके यांची वर्धा शहरात बदली झाल्याने त्यांच्या जागी जाधव यांच्याकडे प्रभारी पदभार सोपवण्यात आला आहे. २००३ मध्ये महापालिकेत झालेल्या भरती मध्ये संदीप जाधव हे कनिष्ठ अभियंता या पदावर रुजू झाले होते. जाधव यांची २० वर्षानंतर उपअभियंता पदावर पदोन्नती करण्यात आली. त्यानंतर जाधव यांच्याकडे आता प्रभारी शहर अभियंतापदाचा पदभार सोपवण्यात आला आहे.