सकाळ वृत्तसेवा
ठाणे, ता. ५ : पुण्यातील काव्यमित्र संस्थेने निशा फुलसुंदर यांना राष्ट्रीय महिला समाजभूषण पुरस्काराने नुकतेच सन्मानित केले. चिंचवड येथील ऑटो क्लस्टर ऑडिटोरियम सायन्स पार्क येथे काव्यमित्र संस्थेच्या वतीने एका कार्यक्रमाचे आयोजन केले होते. या वेळी लेखक सूर्यकांत शेटकर यांच्या आरसा समाजमनाचा या पुस्तकाचे प्रकाशन झाले. तसेच विविध क्षेत्रांतील मान्यवरांना पुरस्कार देऊन गौरवण्यात आले. ठाण्यातील निशा फुलसुंदर यांना पर्यावरण संवर्धनासाठी राष्ट्रीय महिला समाजभूषण पुरस्कार देऊन सन्मानित करण्यात आले. निशा फुलसुंदर प्लास्टिकबंदी, पर्यावरण जनजागृती, महिलांना रोजगार मिळवून देण्यासाठी प्रयत्नशील असतात. निशा यांना ग्रीन वर्ल्ड प्राईड ऑफ इंडिया, मिसेस इंडिया ब्युटीफुल फेस, आयकॉन टॉप फाईव्ह क्लासिक, ब्युटीफुल आईज असे अनेक पुरस्कार देऊन गौरवले आहे.