भिवंडी (बातमीदार) : खोणी ग्रामपंचायत हद्दीतील मच्छा कंपाऊंडमधील एका यंत्रमाग कारखान्यात अज्ञात चोरट्याने प्रवेश करून कारखान्यातील सव्वा लाखाचे सामान चोरून नेल्याची घटना घडली आहे. याप्रकरणी निजामपुरा पोलिस ठाण्यात आज्ञात चोरट्याविरोधात गुन्हा दाखल केला आहे. पोलिसांनी दिलेल्या माहितीनुसार बुधवारी (ता. २७) सायंकाळी चार वाजताच्या सुमारास अज्ञात चोरट्याने काटई रोड येथील मच्छा कंपाउंडमध्ये शिरून अबरार अलाउद्दीन खान यांच्या मालकीच्या लूम कारखान्याच्या खिडकीवाटे आत प्रवेश करून एक लाख १४ हजार २०० रुपये इतके किमतीचे विविध प्रकारचे सामान चोरून नेले आहे. याप्रकरणी निजामपूर पोलिस ठाण्यात गुन्हा दाखल केला आहे.