Navi Mumbai: घणसोली गावातील शिवाजी तलावाजवळ बेकायदा वास्तव्यास असलेल्या पाच बांगलादेशी नागरिकांना दहशतवादविरोधी पथकाच्या मुंबईतील विक्रोळी युनिटने शुक्रवारी दुपारी अटक केली.
या कारवाईत ताब्यात घेण्यात आलेले सर्व बांगलादेशी नागरिक हे मजुरीचे काम करून मागील काही वर्षांपासून घणसोली तसेच इतर ठिकाणी राहत असल्याचे तपासात आढळून आले आहे.
घणसोली गावालगत असलेल्या शिवाजी तलावाजवळ काही बांगलादेशी नागरिक बेकायदा वास्तव्यास असल्याची माहिती दहशतवादविरोधी पथकाच्या विक्रोळी युनिटला मिळाली होती. माहितीच्या आधारे विक्रोळी युनिटने शुक्रवारी दुपारी घणसोली गाव येथील शिवाजी तलावाजवळ इमारत तोडण्याचे काम सुरू असलेल्या ठिकाणी धाव घेतली.
या वेळी अहात जमाल शेख (२२) व रोबुल समद शेख (४०) हे दोघे जण बिगारी काम करत असल्याचे आढळून आले. पोलिसांनी त्यांच्याकडे चौकशी केली असता, त्यांनी बांगलादेशी नागरिक असल्याचे कबूल केले.
पोलिसांनी नाथ अपार्टमेंटजवळ इमारतीचा पाया खोदण्याचे काम सुरू असलेल्या ठिकाणी तपासणी केली. त्या ठिकाणी बिगारी काम करत असलेल्या रॉनी सोरीफुल खान (२५), जुलु बिल्लाल शरीफ (२८) व मोहम्मद मुनीर मोहम्मद सिराज मुल्ला (४९) या तिघांकडे चौकशी केली. त्यांनीदेखील बांगलादेशी असल्याचे कबूल केले. पाचही जणांवर रबाळे पोलिस ठाण्यात गुन्हा दाखल करून त्यांना अटक करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.