मुंबई, ता. २ : देशभरातील लहान शहरे तसेच ग्रामीण भागातील कलाकारांच्या लोककलांना जागतिक व्यासपीठ मिळवून देण्याच्या उद्देशाने स्थापन केलेल्या नीता मुकेश अंबानी कल्चरल सेंटरला एक वर्ष पूर्ण झाले आहे. याबद्दल नीता अंबानी यांनी मुंबईकरांशी संवाद साधताना आनंद व्यक्त केला.
वर्षभरात येथे ७०० सांस्कृतिक कला कार्यक्रम झाले. यात भारतासह जगभरातील ६७० कलाकारांनी कला सादर केली. या कार्यक्रमाचा दहा लाखपेक्षाही जास्त रसिकांनी आनंद घेतला. नृत्य, नाट्य, तरुण तसेच छोट्या कलाकारांचे कार्यक्रम, प्रदर्शने यांना जागतिक व्यासपीठ मिळाल्याचा उल्लेख नीता अंबानी यांनी केला. भारताची पुरातन कला जगासमोर आणण्याचे काम या केंद्राद्वारे वर्षभरात आणखीन जोमाने होईल, असा विश्वासही त्यांनी व्यक्त केला.
---------------------------------
ध्येयाकडे मार्गक्रमण करू
केंद्र उभारताना जी ध्येये समोर ठेवली होती, ती साध्य झाली. यापुढेही रसिक प्रेक्षकांच्या पाठिंब्यावर या केंद्राच्या माध्यमातून ध्येयाकडे आम्ही ठामपणे मार्गक्रमण करू, असा विश्वासही याप्रसंगी नीता अंबानी यांनी व्यक्त केला.