अन् अडकलेल्या रुग्णवाहिकेला मिळाली वाट
कल्याण, ता. १२ (वार्ताहर) : लोकसभा निवडणुकीच्या प्रचाराचा शेवटचा रविवार असल्याने कल्याण पूर्वेत रस्त्यावर प्रचंड गर्दी होती. या गर्दीमुळे वाहतूक कोंडी निर्माण झाली होती. अशात एक रुग्णवाहिका अडकल्याचे महायुतीचे उमेदवार डॉ. श्रीकांत शिंदे यांच्या निदर्शनास येताच त्यांनी वाट मोकळी करून दिली.
लोकसभा निवडणुकीच्या प्रचाराची सर्वत्र धूम सुरू असून सर्व उमेदवार मतदारांपर्यंत पोहोचण्यासाठी प्रचार रॅली, बाईक रॅली, मतदारांशी संवाद असे विविध पर्याय अवलंबत आहेत. कल्याण पूर्वेतही रविवारी (ता. १२) महायुतीचे उमेदवार डॉ. श्रीकांत शिंदे यांचीही प्रचार रॅली होती. या दरम्यान एक ॲम्ब्युलन्स वाहतूक कोंडीत अडकली होती. ही बाब त्यां‍च्या निदर्शनास येताच त्यांनी ध्वनिक्षेपणावर घोषणा करत रुग्णवाहिकेला रस्ता करून देण्याच्या सूचना केल्या. या वेळी रस्त्यावर रेकॉर्ड ब्रेक गर्दी दिसून आली.