ओवळा मोगरपाडा तलावात आढळला मृतदेह

ठाणे (वार्ताहर) ः घोडबंदर रोडवरील मोगरपाडा तलावात मारुती पाटील (वय ६०) या व्यक्तीचा मृतदेह आढळल्याची घटना रविवारी (ता. २४) सायंकाळी चार वाजण्याच्या सुमारास घडली. या घटनेची माहिती मिळताच कासारवडवली पोलिस, अग्निशमन दलाचे जवान, पालिकेच्या आपत्ती व्यवस्थापन विभागाने घटनास्थळी धाव घेतली. आपत्ती व्यवस्थापन विभागाने पाटील यांचा मृतदेह तलावाबाहेर काढून कासारवडवली पोलिसांच्या ताब्यात दिला. मृत मारुती पाटील हे सातत्याने आजारी असल्याने आजारपणाला कंटाळून त्यांनी तलावात उडी घेत आत्महत्या केल्याची चर्चा परिसरात सुरू आहे. दरम्यान, कासारवडवली पोलिसांनी पाटील यांचा मृतदेह पुढील कार्यवाहीसाठी जिल्हा शासकीय रुग्णालय येथे पाठविला असून या प्रकरणाचा पोलिस अधिक तपास करत आहेत.