पनवेल, ता. १० (बातमीदार) : मुंबई, महाराष्ट्रात मराठी भाषा ही सक्तीची नाही, असे बेताल वक्तव्य करून मराठी माणसाचा अपमान करणाऱ्या आरएसएसचे माजी सहकार्यवाह भय्याजी जोशी यांच्या निषेधार्थ पनवेल महाविकास आघाडीकडून छत्रपती शिवाजी महाराज अश्‍वारूढ पुतळ्याजवळ आंदोलन करण्यात आले. या वेळी माजी आमदार व पनवेल उरण महाविकास आघाडी अध्यक्ष बाळाराम पाटील, शिवसेना उपजिल्हाप्रमुख भरत पाटील, महानगर प्रमुख अवचित राऊत, तालुका प्रमुख संदीप तांडेल, शेकापचे गणेश कडू, काँग्रेसचे हेमराज म्हात्रे, नवीन पनवेल शहरप्रमुख यतीन देशमुख, खांदा कॉलनी शहरप्रमुख सदानंद शिर्के, कामोठे शहरप्रमुख रामदास गोवारी, खारघर शहरप्रमुख गुरू म्हात्रे, महिला उपजिल्हा संघटिका रेवती सकपाळ, तालुका संघटिका अनीता डांगरकर, उपमहानगर संघटिका संचिता राणे, खरघर शहर संघटिका संपदा धोंगडे, कामोठे शहर संघटिका संगीता राऊत, उज्ज्वला गावडे यांच्यासह महाविकास आघाडीचे पदाधिकारी व कार्यकर्ते उपस्थित होते.