कुर्ल्यात हिंदू दिनदर्शिका प्रकाशन सोहळा
घाटकोपर, ता. १९ (बातमीदार) ः हिंदू नववर्ष स्वागत यात्रा समिती कुर्ला (प.) तर्फे दरवर्षी हिंदू नववर्षानिमित्त विविध कार्यक्रमांचे आयोजन केले जाते. यंदाच्या वर्षी हिंदू दिनदर्शिका प्रकाशित करून हिंदू महिने व तिथी यांची माहिती सर्वसामान्य समाजाला करून द्यावी, असा प्रयत्न करण्यात आला आहे. चैत्र ते फाल्गुन अशी ही दिनदर्शिका असणार आहे. प्रत्येकाला आपल्या जन्मतारखेप्रमाणेच जन्मतिथीसुद्धा माहिती असावी व आपली सर्वात अचूक व शास्त्रशुद्ध कालगणना सर्वसामान्य समाजापर्यंत पोहोचवण्याचा समितीचा प्रयत्न असल्याचे सांगण्यात आले. रविवारी (ता. २३) छत्रपती शिवाजी महाराज क्रीडांगण न्यू मिल मिल रोड कुर्ला (प.) या ठिकाणी हा सोहळा पार पडणार आहे. प्रा. सुरेश गजानन शेवडे गुरुजी, राज्याचे सांस्कृतिक मंत्री आशीष शेलार, आमदार मंगेश कुडाळकर यांच्या हस्ते या दिनदर्शिकेचे प्रकाशन करण्यात येणार आहे.