वांद्रे वसाहतीच्या भूखंडासाठी समिती

मुंबई, ता. ४ : वांद्रे येथील शासकीय वसाहतीतील अधिकारी, कर्मचाऱ्यांच्या सहकारी गृहनिर्माण संस्थेसाठीच्या भूखंडाबाबत निकष निश्चित करण्यासाठी समिती गठित करण्याचा निर्णय झाला आहे. त्यानुसार ही समिती तत्काळ गठित करण्यात यावी, असे आदेश उपमुख्यमंत्री एकनाथ शिंदे यांनी दिले आहेत. संस्थेच्या पदाधिकाऱ्यांनी उपमुख्यमंत्री एकनाथ शिंदे यांची आज सह्याद्री अतिथिगृह येथे भेट घेतली. या वेळी झालेल्या बैठकीत भूखंड देण्याच्या मुद्द्यावर सविस्तर चर्चा करण्यात आली. बैठकीस माजी आमदार किरण पावसकर, उपमुख्यमंत्र्यांचे अपर मुख्य सचिव असीम गुप्ता, बांधकाम विभागाचे सचिव संजय दशपुते आणि गृहनिर्माण संस्थेचे पदाधिकारी उपस्थित होते.