अंबरनाथ, ता. १० (वार्ताहर) : माळी समाज सेवा संस्था क्रांतिसूर्य महात्मा जोतिराव फुले उत्स‍व समिती अंबरनाथ यांच्या वतीने क्रांतिसूर्य महात्मा जोतीराव फुले यांच्या १९८व्या जयंतीचे आयोजन शुक्रवारी (ता. ११) करण्यात आले आहे. या कार्यक्रमाला प्रमुख वक्ते तथा पहिल्या मुलींची शाळा भिडेवाडाचे आंदोलक अमर शांताई अर्जुन हजारे उपस्थित राहणार आहेत. या कार्यक्रमाचे आयोजन अंबरनाथ पूर्वेच्या वडवली विभागातील रोटरी क्लब हॉलमध्ये करण्यात आले. यानिमित्ताने विविध कार्यक्रम होणार आहेत. संध्याकाळी महालक्ष्मीनगर ते रोटरी क्लब हॉलपर्यंत भव्य मिरवणूक, दीपप्रज्वलन, मान्यवरांचे स्वागत, विद्यार्थी व कन्यारत्न पुरस्कार वितरण अशी कार्यक्रमाची रूपरेषा आहे. अमर शांताई अर्जुन हजारे आणि प्राध्यापक अविनाश सुरसे यांचे व्याख्यान प्रवचन उपस्थितांना ऐकायला मिळणार आहे. कार्यक्रमाला नागरिकांनी जास्तीत जास्त उपस्थित राहावे, असे आवाहन संस्थेच्या वतीने करण्यात आले आहे.