चंद्रकांत बोरसे यांचा सेवापूर्तीनिमित्त सत्कार
विक्रमगड, ता. १ (बातमीदार) : जिल्हा परिषद शाळा ओंदे येथे मुख्याध्यापक चंद्रकांत बोरसे यांचा सेवापूर्ती सोहळा मोठ्या उत्साहात पार पडला. यावेळी सामाजिक कार्यकर्ते यशवंत पाटील, ओंदे ग्रामपंचायत उपसरपंच निवेदिता पाटील, शाळा व्यवस्थापन समिती अध्यक्षा मोनिका भोईर, दत्तात्रेय सांबरे, रमेश पाटील, ज. ल. गवळी आदी उपस्थित होते. जिल्हा परिषद शाळा शिक्षक म्हणून ते १९८५ रोजी सेवेत रुजू झाले होते. शाळा व्यवस्थापन समिती व ग्रामस्थ ओंदे यांच्या संयुक्त विद्यमाने त्यांचा कृतज्ञतापूर्वक निरोप समारंभ सोहळा ओंदे शाळेमध्ये करण्यात आला होता. या कार्यक्रमास परिसरातील बहुसंख्य नागरिक व विद्यार्थी वर्ग उपस्थित होते.