बेशिस्‍त वाहनचालकांवर कारवाई
मुलुंड, ता. ७ (बातमीदार) ः मुलुंड वाहतूक पोलिसांनी वाहतूक नियमांचे उल्लंघन करणाऱ्या वाहनचालकांना चांगलाच दणका दिला आहे. १ एप्रिल ते ३० एप्रिलदरम्यान वाहतुकीच्या नियमांचे उल्लंघन करणाऱ्या तब्बल सात हजार ४७१ वाहनचालकांविरोधात कारवाई करून ३३ लाखांहून अधिक दंड वसूल केला आहे. यामध्ये हेल्मेट न घालणाऱ्या दुचाकीस्वारांबरोबरच त्यांच्यामागे बसलेल्या प्रवाशांवरही लक्ष ठेवण्यात आले. मुलुंड वाहतूक विभागाचे वरिष्ठ पोलिस निरीक्षक अजित सुळे यांच्या मार्गदर्शनाखाली ही कारवाई करण्यात आली.