वाशी, ता. १३ (बातमीदार) : वाशीतील बौद्ध प्रतिष्ठान संस्थेच्या वतीने यूपीएससी व एमपीएससीच्या विद्यार्थ्यांना कोचिंग क्लाससाठी वर्ग उपलब्ध करण्याची मागणी शिवसेना नेते व माजी खासदार राजन विचारे यांच्याकडे केली होती. या संस्थेचे शैक्षणिक क्षेत्रातील काम पाहून राजन विचारे यांनी कोणताही विलंब न लावता या संस्थेला विद्यार्थ्यांच्या कोचिंग क्लाससाठी ३० लाखांचा निधी उपलब्ध करून दिला. त्याचे काम पूर्ण झाल्याने बुद्ध पौर्णिमेचे औचित्य साधून या नवीन वर्गाचे उद्घाटन माजी खासदार राजन विचारे यांच्या प्रमुख उपस्थितीत करण्यात आले.
बौद्ध प्रतिष्ठानचे अध्यक्ष डॉ. अनंत हर्षवर्धन यांनी, नव्याने विकसित केलेल्या वर्गात नवीन अत्याधुनिक सामग्री याचा वापर करून यूपीएससी व एमपीएससीच्या विद्यार्थ्यांना मोफत कोचिंग क्लासेस सुरू करणार आहेत. परदेशात जाणाऱ्या विद्यार्थ्यांसाठी भाषांतर वर्ग, राज्य सरकारच्या विविध पदांसाठी अर्ज करणाऱ्या विद्यार्थ्यांसाठी मार्गदर्शन, त्याचबरोबर सैन्य भरतीचेही मार्गदर्शन या वर्गातून करण्यात येणार असल्याची माहिती दिली. या उद्घाटन सोहळ्यासाठी शिवसेना ठाकरे गटाचे उपनेते विठ्ठल मोरे, बेलापूर जिल्हाप्रमुख प्रकाश पाटील, ऐरोली जिल्हाप्रमुख प्रवीण म्हात्रे, उपजिल्हाप्रमुख संतोष घोसाळकर, शहरप्रमुख महेश कोटीवाले, उपशहरप्रमुख अशोक सपकाळ यांच्यासह बौद्ध प्रतिष्ठानचे सचिव मधुकर साळवे, खजिनदार पंडित भालेराव आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.