मुरबाड, ता. १३ (बातमीदार)ः तालुक्यातील अनुसूचित क्षेत्रातील २८ ग्रामपंचायतींची सरपंच पदे महिलांसाठी आरक्षित करण्यात आली आहेत, तर उर्वरित २७ ग्रामपंचायतींची सरपंच पदे सर्वसाधारण असल्याने अनुसूचित जमातीचे पुरुष किंवा महिला सरपंचपदासाठी निवडणुकीसाठी पात्र आहेत. मुरबाड तालुक्यात आगामी काळात होणाऱ्या ग्रामपंचायत निवडणुकांमधील सरपंचपदाची आरक्षण सोडत मंगळवारी (ता. १३) तहसीलदार अभिजित देशमुख यांच्या उपस्थितीमध्ये काढण्यात आली. या वेळी आंबळे खुर्द, इंदे, उंबरोली खुर्द, उंबरोली बुद्रुक, एकलहरे, ओजीवले, किसळ, खापरी, खेडले, खोपिवली, तळेगाव, धसई, न्याहाडी, पऱ्हे, पळू, फांगलोशी, बळेगाव, भोरांडे, महाज, माळ, मिल्हे, मेरदी, रामपूर, वडवली, संगम, सिंगापूर, मानिवली खुर्द, बुरसुंगे अनुसूचित क्षेत्रातील महिला सरपंचासाठीचे आरक्षण घोषित झाले आहे, तर उर्वरित २७ ग्रामपंचायतींसाठी पुरुष अथवा महिला दोघेही सरपंचपदासाठी पात्र आहेत.