नेरूळ, ता. १९ (बातमीदार) : सानपाडा विभागातील स्वामी विवेकानंद संकुलाअंतर्गत येणाऱ्या मैदानाची दुरवस्था झाली आहे. हे मैदान शालेय विद्यार्थ्यांसह परिसरातील खेळाडू, महिला व ज्येष्ठ नागरिकांसाठी खुले असले तरी दुरवस्थेमुळे आणि सर्वत्र कचरा साचल्यामुळे त्याचा वापर करता येत नाही. विविध समस्यांना सामोरे जावे लागत आहे. मैदानात मद्यपींनी दारूच्या बाटल्या जागोजागी फेकल्यामुळे संताप व्यक्त केला जात आहे.
सानपाडा विभागातील स्वामी विवेकानंद संकुलाच्या मैदानाचा योग्य प्रकारे वापर न होणे ही सामाजिक तसेच आरोग्याच्या दृष्टीने गंभीर बाब आहे. यामुळे तात्काळ उपाययोजना न झाल्यास हा प्रशासकीय दुर्लक्षाचा प्रकार मानला जाऊ शकतो आणि भविष्यात अपघात, अनैतिक घटना, आरोग्यविषयक धोका वाढण्याची भीती आहे. त्यामुळे मैदानाच्या तात्काळ दुरुस्तीसह विविध उपाययोजना करण्याची मागणी सामाजिक कार्यकर्ते नीलेश कचरे यांनी महापालिका आयुक्तांकडे निवेदनाद्वारे केली आहे. हे मैदान शाळेच्या वेळेव्यतिरिक्त परिसरातील स्थानिक नागरिक, खेळाडूंसाठी उपलब्ध करून देण्यात यावे. मैदानात मोठ्या प्रमाणावर डेब्रिज व अस्वच्छता असून, रात्रीच्या वेळी मद्यपी येथे पार्ट्या करतात. मैदानातील झाडांची देखभाल होत नसून, कोणतीही सुरक्षा व्यवस्था नसल्याचे कचरे यांनी म्हटले आहे.
-------------
सीसीटीव्ही कॅमेरे बसवा!
खो-खो, कबड्डी, क्रिकेट, लंगडी या पारंपरिक व आधुनिक खेळांसाठी स्वतंत्र पटांगणे तयार करावी; सीसीटीव्ही कॅमेरे, खुली व्यायाम शाळा, विद्युत व्यवस्था, पाणी शौचालय आणि झाडांचे संगोपन आणि देखभाल या सगळ्या सुविधा उपलब्ध करून देण्याची मागणी नीलेश कचरे यांनी पालिका आयुक्तांकडे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.