मुरबाडमध्ये महायुतीच्या वतीने तिरंगा रॅलीचे आयोजन
मुरबाड, ता. १८ (वार्ताहर) ः भारतीय सैनिकांचे मनोबल वाढविण्यासाठी तसेच अभिनंदन करण्यासाठी देशभर तिरंगा रॅलीचे आयोजन केले जात आहे. मुरबाडमध्येही रविवारी (ता. १८) भाजप, शिवसेना शिंदे गट, राष्ट्रवादी-काँग्रेस महायुतीच्या वतीने तिरंगा रॅलीचे आयोजन करण्यात आले होते. सैनिकांच्या कामगिरीचा सन्मान होण्यासाठी या रॅलीचे आयोजन करण्यात येत आहे.
या रॅलीत मुरबाड विधानसभेचे आमदार किसन कथोरे, भाजप नेते भरत पाटील, राजेश पाटील, शिंदे गटाचे मुरबाड तालुका अध्यक्ष कांतिलाल कंटे, राष्ट्रवादी तालुका अध्यक्ष चंद्रकांत बोस्टे, मंडळ तालुका अध्यक्ष दीपक पवार, जितेंद्र भावार्थे, प्रतीक हिंदुराव, दिनेश उघडे, नितीन मोहपे, तेलवणे, सुरेश बांगर, मोहन सासे यांच्यासह मोठ्या संख्येने महायुतीचे कार्यकर्ते, महिला कार्यकर्त्या, नगरसेवक, नगरसेविका, पंचायत समिती सदस्य, जिल्हा परिषद सदस्य व देशप्रेमी नागरिक मोठ्या संख्येने सहभागी झाले होते.