चैत्यभूमी ते इंदू मिल - रिपब्लिकन पक्षाची ‘भारत जिंदाबाद यात्रा’
मुंबई, ता. २४ ः रिपब्लिकन पक्षाच्या वतीने मुंबईत २९ मे रोजी चैत्यभूमी ते इंदू मिल अशी ‘भारत जिंदाबाद यात्रा’ काढण्यात येत आहे. केंद्रीय राज्यमंत्री रामदास आठवले यांच्या नेतृत्वात ही यात्रा निघणार आहे.
पाकिस्तान पुरस्कृत आतंकवादाचा खात्मा करण्यासाठी सिंदूर ऑपरेशन यशस्वी केल्याबद्दल भारतीय सैन्याचे अभिनंदन करण्यासाठी या रॅलीचे आयोजन करण्यात आले आहे. सकाळी ११.३० वाजता चैत्यभूमी येथे महामानव डॉ. बाबासाहेब आंबेडकरांना अभिवादन करून ही यात्रा सुरू होईल. चैत्यभूमी ते छत्रपती शिवाजी पार्क मैदान येथून मुख्य रस्त्याने इंदू मिल येथे भारत जिंदाबाद यात्रेचा समारोप होणार आहे. या यात्रेच्या नियोजनासाठी गोराई बे व्ह्यू हॉटेल येथे बैठक झाली.